Aclaracións necesarias do acontecido o 29 de mayo en Ferrol, durante a primeira carga policial e a posterior detencción de Bastida

Enviado por Cristina Meizoso Alonso a mirandomundo@gmail.com

Son unha cidadá de Ferrol, traballadora e que paga os seus impostos; impostos cos que o día 29 de maio, pagaron para que as forzas policiais me pegasen por estar aplaudindo no porto de Ferrol a chegada da cidadanía que coas súas barcas e que , con perigo para as súas vidas, polo forte dispositivo policial na bocana da ría, abortaran a entrada dun novo gaseiro nesta angosta ría.

Estando no porto, sen que aínda atracasen os/as mariñeir@s, houbo unha carga policial contra a cidadanía. Non é certo que fose cando quixeron deter ao Patrón da Confraría de Ferrol; aínda non atracara.

Eu nin son mariscadora nin teño familiares no gremio, o que si son é consciente do que nos meteron nesta ría e non o quero. Vin chegar a embarcación co patrón da confraría logo de recibir unhas boas "labazadas" por parte das forzas policiais. . . O Patrón non opuxo resistencia á súa detención xa que o fixo voluntariamente para que parasen de pegar aos cidadáns que pacificamente só aplaudiamos a chegada dos valentes por frear o maldito gaseiro.
Non sei, ou si, que poderes son os que están permitindo isto.. ., que as forzas de seguridade defendan a unha empresa privada, Reganosa, e de momento ilegal e golpeen á cidadanía por defender a ría e a vida pacificamente.
Non entendo, ou si, aos partidos políticos que están permitindo isto e calan!

Cristina Meizoso Alonso - Cidadá de Ferrol.